LAOAG CITY – Inbutaktak ti TV host / actress a ni Kris Aquino nga awan ti nobiona kabayatan nga agtultuloy a lumablaban latta iti atuoimmune diseases.
Inbtadna nga iti agdama ket awan ti extra special iti pusona gapu ta awan ti nobio wenno fiancé-na.
Kunana nga agtultuloy a lumablaban isuna iti maikapito nga health issue daytoy a Fibromyalgia a maysa a chronic disorder a mangitunda ti panagsakit iti sibubukel a bagi ken problema iti panagturog.
Immunan a na-diagnosed isuna iti Autoimmune Thyroiditis, Chronic Spontaneous Urticaria, Eosinophilic granulomatosis with polyangiitis (EGPA), Systemic Sclerosis, Lupus/SLE ken Rheumatoid Arthritis.
Naammoan nga iti napalabas a tawen ket nagawid ni Kris ditoy pagilian kalpasan ti dua a tawen a panagpaagasna idiay Estados Unidos.
Maipalagip nga idi Hunio ket adda iti talking stage da Kris ken Makati-based a doctor ken rumrummuar pay nga adda ti relasionda iti pulitiko a ni Mark Leviste.
