LAOAG CITY – Nakita ti maysa a kulkullaaw iti paset ti Barangay 48-A Cabungaan ditoy ciudad ti Laoag.
Inbatad ni Mrs. Angelita Villa, saanna a dagus a nalasin a kulkullaaw ti adda iti arubayan da.
Segun kenkuana, kabayatan ti panaglablaba na iti gripo iti arubayan ti balay da ket nakigtot kalpasan a nakita na ti kulkullaaw nga agkukukot ken kumitkita kenkuana.
Nupay kasta, inpasigurado ni Villa nga awan ti sugat ti nasao a kulkullaaw ken inpan da iti maysa a kulluub.
Agpapan maisursurat daytoy a damag ket saan pay a naiturnover ni Villa ti kulkullaaw iti Department of Environment and Natural Resources (DENR).
