LAOAG CITY – Nagleppas iti 1-1 draw ti laban ti Philippine Men’s Football team kontra iti Myanmar iti panangrugi ti kampaniada ti 2024 ASEAN Championship iti Rizal Memorial Stadium.
Immunan a nakairekord ti goal ti Myanmar babaen ken ni Maung Maung Lwin iti uneg ti 25 minuto.
Iti panagserrek ti second half ket naiserrek met ni Bjorn Kristenensen ti goal babaen ti spot kick iti uneg ti 72 minuto ti ay-ayam.
Saan a nairaman ti maikadua a goal ti Myanmar iti 63rd a minuto babaen ken ni Ye Ying Aung gapu ta rimmuar daytoyen ken out base iti panagadal ti Virtual Assisted Referee.
Pinadas pay ti Pilipinas a makagun-od manen ti goal ngem nagbalin a naiget ti inaramid a panagbantay ti Myanmar.
Agpada nga addaan ti sag-1 point ti Pilipinas ken Myanmar iti Group B nga inabak isuda ti Indonesia iti iskor a 1-0.
Agturong idiay Laos ti Pilipinas inton Domingo, Disiembre 15 a maiyuswat idiay New Laos National Stadium iti Vientaiane.
