LAOAG CITY – Inpetteng ni Senator-Judge Panfilo “Ping” Lacson a saan a maibilang a kinapudno wenno ‘gospel truth’ dagiti senador ti finding ni financial analyst Atty. Alexander Cabrera iti impeachment trial ni Vice President Sara Duterte.
Segun ken ni Lacson, silulukat dagiti senator-judges kadagiti kontra-argumento ti depensa nga mabalin a mangpakapuy ti opinion, testimona ken kredibilidad ni Cabrera iti cross-examination.
Immanamong met daytoy ni Presiding Officer “Chiz” Escudero a nangibaga a saan a conclusive wenno binding ti testimonia ti expert witness.
Maiyataday iti rules ti impechment court, adda kadagiti senatos-judges ti panagdesision iti panagtimbang iti kinadagsen ti opinion ken ebidensia nga ipresentar iti panangusig.
