LAOAG CITY – Inpakaammo ni Mrs. Perlita Cabella, mangidadaulo iti City Social Welfare and Development Office ditoy siudad ti Laoag a tinulungan da ti maysa a lakay nga agnanaed iti kamposanto iti Brgy. Casili ditoy siudad ti Laoag.
Binigbig na ti lakay a ni Felimon Racelis, ken umaboten iti 45 nga aldaw nga agnanaed iti nasao a lugar.
Kuna na a maipagarup nga adda ti disperensya iti panunot ti lakay gapu da adda dagiti sarsaritaen na.
Inbunannag ni Cabello nga adda ti asawa na ken annak na ken nabayagen a kliyebnte iti pamilya iti CSWDO.
Inlawlawag ni Cabello nga inallukoy da ni Racelis tapno sumurot iti grupo ken maisubli iti pamilya na.
Inbatad na nga addaan ti dua a pamilya ni Racelis gapu ta dua ti asawa na.
Nupay kasta, pimmusayen ti immuna nga asawa ni Raciles a taga Brgy. 14 idinto ti makiadua ket taga Brgy. Sta Maria ditoy siudad.
Kabayatanna, kuna ni Cabello a maipadalan iti counseling ni Racelis, ken temporaryo a naipan iti retirement home idi kalman.
Maituloy nga a bigat ti panangbirok ti CSWDO ti mabalin a pakaipanan a pagtaengan ni Racelis gapu ta nasken a aywanan ti pamilya na.
Immunan a binalakadan ni Cabello dagiti maseknan iti panangipacheck-up da kenni Tata Felimon.
