LAOAG CITY – Inikkaten ti Los Angeles Lakers ti head coach-da a ni Darvin Ham.
Daytoy ket kalpasan ti pannakaatiw ti Lakers iti first round playoffs kontra iti Denver Nuggets.
Ti agtawen ti 50 a ni Ham ket addaan ti 90-74 records iti dua a season iti nagbalin a coach pakairamanan ti panagay-ayam ti grupo iti Western Conference Finals iti napalabas a season.
Segun ken ni Lakers General Manager ken Vice President of Basketball Operations Rob Pelinka a maysa a narigat a desision ti maisina ken ni Darvin.
Nagyaman isuda ti nagbalin a kontribusion ti coach kadagiti balligi iti grupo.
Inpasingkedna nga agar-aramid dagitoy ti wagas tapno ad-adda a dumur-as ti Lakers ken makagun-od ti panagballigi.
Sakbay a nagbalin a Lakers coach ket nagbalin pay laeng nga Assistant Coach ni Ham ti Atlanta Hawks, Milwaukee Bucks ken Lakers ti dua a season manipod iti 2011 agingga 2013.
