LAOAG CITY – Saan pay a pagay-ayamen ni Los Angeles Lakers head coach JJ Redick ti star-da a ni LeBron James kalpasan a nagsagaba ti groin injury.
Inbatad ti Lakers coach nga inkabilda pay laeng ti injury list ni James gapu iti injury a sinagabana idi pay laeng Marso 8.
Naammoan nga adda pay iti injury list ti forward-da a ni Rui Hachimura.
Kuna ni Reddick a kasapulan pay ti go-signal manipud kadagiti doktor dagitoy sakbay a naan-anay a palubusanda nga agay-ayam.
Adda iti maikadua a puesto ita ti Lakers iti Western Conference nga addaan ti 42 a panangabak ken 25 a pannakaabak.
