LAOAG CITY – Natukkol ti akin-kannawan nga ima ken maipagarop a nalulo ti ulo ti maysa a lalaki kalpasan ti pannakadesgrasya na iti Barangay Binsang iti ili ti Pasuquin.
Ti biktima ket agtawen ti 35, naasawaan ken residente iti Barangay Dibua South ditoy ciudad ti Laoag.
Segun iti PNP-Pasuquin, agpaabagatan a direksyon ti biktima a nakalugan ti motorsiklo ken apaman a nadanon na ti kurbaan a paset ti kalsada ket na-overshoot.
Gapo iti daytoy, nagderetso ti biktima iti alad ti maysa a pagtaengan.
Inbatad ti imbestigador ti desgrasya a naggapo ti biktima iti Barangay Naglicuan partikular iti maysa a pagtaengan ken daytoy ket adda iti impluwensya ti sanger.
Naamoan a ti helmet ti biktima ket naipurwak ken rumrumwar a napaspas ti panagpataray na.
