Lalaki a kabaelanna nga ag-type babaen ti agongna, nakagun-od ti titulo a Fastest Time to Type the Alphabet with the Nose
Maysa nga agtawen ti 44 a lalaki idiay India ti nakagun-od ti world record gapu ta kabaelanna nga ag-type iti keyboard babaen ti agongna.
Kinumpirmaran ti records keeping organization a Guinness World Record a ni Vinod Kumar Chaudhary ti nagtalinaed record holder ti titulo a “Fastest Time to Type the Alphabet with the Nose.”
Daytoy ket kalpasan a na-type daytoy iti keyboard dagiti amin a 26 alphabet iti uneg ti 26.73 seconds usar laeng ti agongna.
Idi 2023, adda ken ni Vinod ti nasao a titulo iti rekord a 27.8 seconds ngem gapu ta kalikagumna pay nga artapanna ket nag-record attempt isuna manen ita a 2024.
Malaksid iti daytoy, iggemna pay ti titulo a Time to Type the Alphabet Backward (single hand)” nga addaan ti rekord a 5.36 seconds ken “Fastest Time to Type the Alphabet with Hands Behind the Back” nga addaan ti rekord a 6.78 seconds.
Naammoan nga agtartrabaho ni Vinod kas computer operator iti Jawaharlal Nehru University School of Environmental Sciences isu a sanay daytoy ti alisto a panagusar ti keyboard.
