LAOAG CITY – Naarestar ti maysa a wanted person iti ili ti Piddig babaen kadagiti kameng ti pulisya.
Nabigbig daytoy a ni Jose Gorospe, agtawen ti 58, mannalon ken residente iti Barangay 13, Libnaoan iti nasao nga ili.
Natiliw daytoy babaen ti bileg ti warrant of arrest nga inparuk-at ni Judge Richard Balucio iti MCTC Piddig-Solsona-Carasi gapo iti kaso na a slight physical injury ken grave threat.
Narekomendaren met daytoy ti sag-tallo a ribo a pisos iti tunggal kaso na.
Naamoan a ni Gorospe ket karuruwar na iti pagbalodan apo iti panaglabsing na iti RA 10591 wenno “Comprehensive Firearms and Ammunition Regulation Act”.
