LAOAG CITY – Maag-agasan iti Governor Roque Ablan Sr. Memorial Hospital ti maysa a lalaki kalpasan a nagsagaba ti sugat iti ulo ken iti bagi na kalpasan ti pannakadesgrasya na iti Brgy. Saludares iti ili ti Dingras, Ilocos Norte.
Nabigbig ti driver ti motorsiklo a ni Jefrey Manaran, agtawen ti 36, naasawaan ken residente ti Brgy. Mabuti iti ili ti Marcos.
Segun kenni Police Staff Sgt Jackson Raymundo iti PNP Dingras, nagturong iti abagatan ni Manaran bayat a nakalugan ti motorsiklo idi ta naawanan ti kontrol iti manibela rason a naislide iti matartarimaan a kalsada iti nasao a lugar.
Innayon ni Raymundo nga awan ti helmet ti biktima ken adda iti impluwensya ti nasanger a nagmaneho ti motorsiklo.
