LAOAG CITY – Nasarakanen ti bangkay ti lalaki a mapukpukaw iti ili ti Paoay a nabigbig a ni Bryan Judalena, nga agtawen ti 30 ken residente iti Brgy. San Roque.
Segun kenni P/Lt Joan Salvatiera, nakita ti bangkay ni Judalena iti kataltalonan iti Brgy. Lawa bayat ti agtultuloy a search and retrieval operation ti Philippine National Police ken nagduduma nga ahensia.
Kinunana nga insigida a ma-cremate ti bangkay sipod ta daytoy ket saanen a mairekomendar a maimansayag gapu ti kabayagna nga adda iti danum.
Innayonna, a basar iti deklarasion ti attending physician ket natay ti biktima gapu ti pannakalmesna.
Maipalagip a ni Judalena, ket immunan a nai-report a mapukpukaw idi Setiembre 30 ti rabii bayat ti iduduprak ti Bagyo Julian ditoy probinsia.
