LAOAG CITY – Naisalakan dagiti rescuer ti agtawen ti 44 a security guard a ni Hernan Alberto Gil kalpasan a na-trap iti narpuog a Galerias Playa Grande shopping center iti estado ti La Guaira, Venezuela iti agarup walo nga aldaw kalpasan ti napipigsa a gingined a timmama iti amianan a paset ti pagilian.
Nangrugi ti rescue operation idi Lunes iti tulong dagiti rescuers manipud iti Venezuela, El Salvador, Chile, Estados Unidos, Portugal, Mexico ken Costa Rica.
Naammoan a kabayatan a nakapupok ti lalaki ket inikkanda isuna ti danum kabayatan nga agkalkali dagiti kameng ti rescue operation ti dua a pagruaran gapu iti narisgo a kondision dagiti debris.
Balligi a nairuar daytoy ken insigida a nailugan iti ambulansia kagiddan ti panagpalakpak dagiti rescuer.
Basar kadagiti report, sumurok 2,200 a tattao ti natay iti twin earthquakes a timmama idiay Venezuela idi Hunio 24.
