LAOAG CITY – Inpetteng ni Mr. Efraim Jack Ylanan, taga Barangay Alejo, Malasig iti ili ti Vintar ngem agdama nga agnanaed iti Barangay Caoacan ditoy ciudad ti Laoag nga awan ti ammo na a rason no apay nga insayangkatan da ti drug buy-bust operation iti paset ti Barangay 3 ditoy ciudad.
Inpasingked na a saan nga agus-usar ken aglaklako iti illegal a droga.
Inadmitir na a ti laeng ammo na a basol na ket nagtakaw iti maysa nga opisina.
Inlawlawag na a napan iti marcos stadium gapu ta adda ti kinachat na a kameng ti LGBT community ken nagtulag da nga agkita iti nadakamat a lugar.
Iti naisayangkat nga operasyon, nakumpiskar dagiti otoridad ti maysa a sachet a naglaon ti maipagarop a napagango a bulong ti marijuana.
Malaksid iti daytoy, naala pay iti ikot ni Ylanan ti dua nmga improvised dagger, cellphone, usb, sangaribo a pisos ken sumagmamano a barya.
Naipan ti suspek idiay La Union para iti idadalan na ti drug-testing ken apaman a makasubli ditoy ciudad ti Laoag ket maipilan ton a dagus ti reklamo nga illegal a panaglako iti llegal a droga babaen iti inquest.
