LAOAG CITY – Natay ti maysa a mannalon kalpasan a nalmes iti karayan iti Barangay Bagbago, Solsona, Ilocos Norte.
Nabigbig ti biktima a ni Emelito Aguinaldo, agtawen ti 43, naasawaan, maysa a mannalon ken residente iti Barangay Puttao iti nadakamat nga ili.
Iti imbestigasyon ti PNP-Solsona, ti biktima ken dagiti uppat a pagayam na ket naggiinom da iti igid ti Gasgas River.
Segun kenni Police Corporal Charlie Slvador, idi nabartek ti biktima ket napan nagdigos ngem saanen a nakalung-aw.
Gapo iti daytoy, binirok dagiti kakadua na ngem idi nakita dan ket awanen ti anges na.
Nupay kasta, naitaray latta iti Rural Health Unit ti biktima ngem naideklara a dead on arrival.
