LAOAG CITY – Maysa a lalaki idiay Estados Unidos ti nakagun-od ti world record gapu ta nabisitana amin a pagilian iti intero a lubong pakairamanan ditoyen dagiti narisgo a pagilian.
Kinumpirmaran ti Guinness World Record a ni Indy Nelson ti baro a world record holder ti titulo a “Most Airlines Flown On.”
Daytoy ket kalpasan a nakalugan isuna iti nasurok 170 nga unique airlines iti intero a lubong.
Naammoan a kalpasan a nakaturpos daytoy ti kolehio, nangala ti loan nga agbalor iti $80,000 ni Indy tapno usarenna para iti around the world travel.
Inbatad ni Indy, saan a nagbalin nga alisto a magun-odna ti rekord gapu ta nagbalin a challenge kenkuana ti panagbisita kadagiti pagilian nga adda ti gubat ken conflict zones.
