LAOAG CITY – Dead on the spot ti maysa a lalaki kalpasan a nadesgrasia iti paset ti Pinili-Nueva Era road a sakup iti Brgy. Liliputen iti ili ti Pinili.
Daytoy ket basar ken ni Dr. Rickson Balalio, Medical Officer ti Rurak Health Unit (RHU) iti ili ti Nueva Era.
Segun ken ni PSSgt. Daryll Magbual, ti Imbestigador ti Philippine National Police iti ili ti Pinili, ti biktima a nangiturong ti motorsiklo a Rusi Scooter nga agmaris ti nalabbaga nga addaan ti plate number a 421 AVS ket ni Jonathan Corpuz Reg, agtawen ti 23, awanan asawa ken residente ti Brgy. Valbuena iti ili ti Pinili.
Kunana nga agpadpadaya ti biktima a nakalugan ti motorsiklo ngem idi nadanun na iti agkurba a kalsada ket possible a napukawan ti kontrol iti manibela.
Naamoan a ti nasao a biktima ket nakainom ti nasanger idi napasamak ti insidente.
Inpakaammo ni Magbual a rumrummuar iti imbestigasion da a naggapu iti pagiinuman ti biktima ken agawid koman iti pagtaenganda idi nadesgrasya.
Innayon na a saan a nakasuot ti helmet ti biktima ken mapapati a naitupar ti ulo na a nangitunda ti ipapatay na.
Kabayatanna, awan ti makitkita dagiti otoridad a foul play iti napasamak nga insidente.
