LAOAG CITY – Naipisuken iti Ilocos Norte Provincial Jail (INPJ) ditoy ciuadad ti ti maysa a lalaki kalpasan a binugbug na ti live-in partner na idiay Barangay Bulbulala, Vintar, Ilocos Norte.
Nabigbig daytoy a ni Jayson Pedro, agtawen iti 41, idinto a ti biktima nga asawa na ket ni Judith Malasig, agtawen iti 42, agpada dagitoy a residente iti nasao a barangay.
Segun kenni Police Major Joseph Baltazar, ti chief of police iti ili a Vintar, kinomprontar ti biktima ti live-in partner na no siasinno ti babai nga agtawtawag ken agtetext kenkuana.
Nupay kasta, imbes nga agpalawag ni Pedro ket maipagarop a kellaat a dinanug na ti baba ti akin-kannigid a mata na, tiniritir na ti ima na ken pinungot na pay ti babai.
Ni Pedro ket napilaan ti kaso a panaglabsing iti Republic Act No. 9262 wenno Anti-Violence against Women and their Children Act.
Kinumpirmaran ni Baltazar a siguden nga adda ti rekord ni Pedro iti opisina da gapu ta idi tawen nobyembre 15, 2013 ket inreklamo ti syuman na nga anak ti live-in partner na gapu ti panangsirsirip na kenkuana.
