LAOAG CITY – Masdaaw ni Edward Bautista a taga ditoy ciudad ti Laoag no apay dinangran isuna ni Bgy. Chairman Dereck Velasco iti Bgy. Buyon ti ili a Bcarra bayat a nagrana da iti IT Park iti ili ti san Nicolas idi rabii.
Segun ken ni Bautista, nagturong da iti nasao a parke kadua na ti baket tapno mangan.
Nakigtot laengen idi immasideg ti grupo a kadua da ni Velasco ket ti ammo na ket adda ibaga na kenkuana ngem dinanog na latta daytoy.
Kuna na imbag ta adda ti asawa na a nagan-anawa.
Awan pulos ti ammo ni Bautista no apay nga inaramid ni Velasco ti nangdangran kenkuana.
Saan na met nga am-amo ni Velasco ngem nakitkita laeng daytoy idi makimis-misa da iti “crash site” iti Bgy. Buyon.
Awan met pay ti natinong a plano ni Bautista kontra ken ni Velasco gapu ta pagsasatitaan da pay laeng kadagiti kameng ti pamilya na.
Naipadanon na metten ti napasamak kenkuana iti PNP- San Nicolas.
Maikarkarigatan met a maala ti reaksiyon ti nasao nga opisyal ti Barangay mainaig iti nasao nga alegasyon.
