LAOAG CITY – Napilaanen ti kaso nga Attempted Homicide ti agnagan Jomer C. Lucas kalpasan a ginandat na a pinatay ti maysa kadagiti nakariri na idiay Brgy. Uguis, Nueva Era, Ilocos Norte itay kallabes.
Inmuna ti daytoy, bayat ti panagsasarita dagiti agpapagayam iti maysa a pagtaengan ket dimmarop ni Lucas ken insigida a dinanog ken tinutukan na ti homemade shotgun ti biktima a ni Robert Oandasan.
Naamoan a kinalbit ni Lucas ti shotgun ngem saan a nagputok.
Insigida a natiliw ti suspek iti panagresponde ni Brgy. Tanod Edgardo Arellano iti nasao a lugar.
