LAOAG CITY – Nakagun-od ti world record ti maysa a lalaki idiay Canada kalpasan a napaspas a naigopna ti amin a nagian ti maysa a doy pack ti orange juice babaen ti paper straw.
Kinumpirmaran ti records keeping organization a Guinness World Records a ti speed eater a ni Mike Jack ti baro a record holder ti titulo a “Fastest Time to Drink a Capri Sun (paper straw).”
Daytoy ket kalpasan a naubosna ti maysa a Capri Sun juice iti uneg ti 21.71 seconds usar ti maysa a paper straw.
Basar iti Guinness, saan nga alisto a magun-od ti nasao a world record nupay alisto laeng nga aramiden iti panunot.
Malaksid iti daytoy a titulo, naala pay ni Jack dagiti titulo a fastest time to eat 50 Carolina reaper chili peppers (6 minutes, 49.2 seconds) ken the fastest time to eat 100 Carolina reaper chili peppers (36 minutes, 38.81 seconds).
