LAOAG CITY – Natay ti maysa a baro kalpasan a nagbekkel idiay Barangay Ugis, Nueva Era, Ilocos Norte.
Daytoy ti kinumpirmaran ni Police Senior Inspector Gerardo Mabini, ti chief of police iti ili a Nueva Era.
Binigbig na daytoy a ni Joefred Dizon, addaan ti umno a tawen, awanan ti asawa ken residente met laeng ti nasao a barangay.
Segun ken ni Mabini, inbitin ti biktima ti bukod na a bagi iti maysa a naabandonar a balay babaen ti panagusar na ti tali.
Inlawlawag ni Mabini a nabiit pay ni Dizon iti ili a Nueva Era gapu ta agnanaed daytoy idiay Bulacan.
Kuna na nga idi adda idiay Bulacan ket ginandat na manen ti nagpakamatay babaen ti panangbagko-bagkong na ti bagi na.
Nupay kasta, nasalbar met laeng dagiti doctor ti biag na gapu ta naitaray a dagus iti ospital.
Agpapan ita ket awan pay ti maestablisar da a motibo ti panagpakamatay ti nasao a biktima.
