LAOAG CITY – Natay ti maysa a lalaki kalpasan nakuryente iti piskarya iti Brgy. Laureta iti ili ti Solsona.
Nabigbig ti biktima a ni Emmanuel Tomas y Narciso, agatwen ti 40, naasawaan, maysa a mannalon ken residenteti nasao a barangay.
Segun ti imbestigasyon ti PNP Solsona, ag-iinom ti biktima ken dagiti kakadua iti nasao a lugar negm gapu ta nakurang ti pulutan da ket nagturong ti biktima iti piskarya tapno agkalap ti ikan.
Dagus a nagkuripaspas ti biktima gapu ti linya ti kuryente a nakaipan iti piskarya.
Naitaray ti biktima iti ospital ngem naideklara a dead on arrival.
