LAOAG CITY – Kinumpirmaran iti kallabes ti international record keeping organization a Guinness World Records a ti writer a ni Nicholas Manning ti Brisbane ti kabaroan a world record holder ti titulo a “Fastest Time To Put on 10 Pairs of Underpants.”
Daytoy ket kalpasan iti napaspas a panagisuot ni Manning ti 10 nga underwear iti uneg laeng ti 13.03 seconds.
Ubing pay laeng ni Manning ket arapaapnan ti pannakairaman ti naganna iti Guinness Book of World Records.
Iti interbyu ken ni Manning, kinunana nga innem a bulan daytoy a nag-training tapno makabukel ti technique tapno agbalin nga al-alisto ti panagisuotna ti underwear.
Malaksid iti nasao a titulo, adda pay ti dadduma a Guinness World Record title ni Manning ken daytoy ket ti “Most Underpants Pulled on in 30 seconds” no sadinno nakasuot isuna ti 23 a pedaso ti underwear iti uneg laeng ti kagudua a minuto.
