LAOAG CITY – Agtultuloy a maag-agasan ti maysa a lalaki iti Mariano Marcos Memorial Hospital iti siudad ti Batac kalpasan a nakuryente iti paset ti Brgy Baay.
Nabigbig ti lalaki a ni Mark Brian Agradi, agtawen ti 23, maysa a truck helper, awanan asawa ken residente iti Brgy Baay iti siudad ti Batac.
Segun ti initial nga imbestigasyon ti PNP Batac, aksidente a nasagid ni Agradi ti primiray live wire bayat nga ur-urnosen na dagiti linya ti kuryente a nakabatay ti close van nga inturong ti kadua na a ni Joseph Ortal.
Nagsagaba ti biktima ti second en third degree burn iti nagduduma a paset ti bagi na.
