LAOAG CITY – Mapilaan ti kaso ti maysa a lalaki gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002.
Segun ken ni P/Capt. Kester Arellano, Hepe ti Sarrat Municipal Police Station, nabigbig ti suspek a ni Marvin Miguel, agtawen ti 28 ken residente ti Brgy. 17 San Felipe iti ili ti Sarrat.
Inbatadna a balligi a naarestar ti nasao a suspek kalpasan a maipagarup a naglako isuna ti maysa nga heat sealed transparent plastic sachet a naglaon ti maatap a shabu iti maysa a pulis a nagpammarang kas poseur-buyer.
Gapu iti daytoy, dagus a tiniliw dagiti otoridad ti suspek ken nakumpiskarda ti innem pay nga heat sealed transparent plastic sachet a naglaon ti maipagarup a shabu nga agdagsen ti sumurok-kumurang dua a gramo nga agbalor ti 13,600 a pisos.
Kabayatanna, naammoan a ti suspek ket maibilang nga Street Level Individual ken nabayagen nga imonmonitor dagiti otoridad.
