LAOAG CITY – Naarestar ti maysa a lalaki iti buy-bust operation iti Barangay 12, Puyupuyan iti ili ti Pasuquin.
Ti suspek ket agtawen ti 33, awanan trabaho ken residente iti nasao met laeng a barangay.
Inbatad ni P/Maj. Sheryl Guzman, Hepe ti Pasuquin Municipal Police Station, natiliw ti suspek kalpasan a naglako ti maipagarup a shabu nga agdagsen ti 0.2 gram nga agbalor ti maysa ribu a pisos iti police poseur-buyer.
Malaksid iti daytoy, kunana a nakumpiskar pay manipud iti suspek ti tallo nga heat sealed transparent plastic a naglaon ti maatap a shabu nga agdagsen ti 0.6 gram nga agbalor ti tallo ribu a pisos, maysa ribu a pisos a nausar kas buy-bust money ken dadduma pay.
Naammoan a ti suspek ket maibilang kas Street Level Individual.
