LAOAG CITY – Naarestar ti maysa a lalaki kalpasan a nagprobokar isuna idiay Brgy. 25 Tutuban, Bacarra, Ilocos Norte.
Nabigbig ti suspek a ni Melvin Rumbaoa y. Baysa, agtawen 29, awanan asawa, ken residente iti nasao a barangay.
Basar ti inisyal nga imbestigasyon ti PNP, nagprobokar ni Rumbaoa kalpasan a saanda nagkinnaawatan iti bukodna nga ina gapo iti kiniddawna a kwarta.
Nadadael ti uppat a sliding window ken sumagmamano nga appliance iti balay ken gas tank ti motorsiklo iti panagprobokarna.
Insigida a rimmosponde dagiti kameng ti pulisya kalpasan nga inpadanun ni Francisco Rumbaoa, uncle ti suspek, ti nasao a panagriribok.
