LAOAG CITY – Natay ti maysa a lalaki kalpasan a naidungpar ti nagluganan da a traysikel ti maysa a plant box iti sitio 5, Barangay 55-C, Vira ditoy ciuadad ti Laoag.
Nabigbig ti biktima a ni Nonelon Cardenas Jr., agtawen ti 28, baro idinto a ti nangiturong ti traysikel ket ni Leandro Salvador, agtawen ti 29, baro ken agpada dagitoy a residente ti nasao a barangay.
Malaksid ti natay a ni Cardenas ket nasugatan pay ti maysa a nakalugan ti traysikel a ni Gaudencio Partido, agtawen ti 30, awanan ti asawa, ken residente met laeng ti nasao a lugar.
Segun iti imbestigasyon, bayat nga agpapa-abagatan a direksyon ti traysikel ket naidungpar ti maysa a plant box a nangitunda ti pannakaipurwak ni Cardenas ken naitupar iti ulo na ti poste ti kuryente.
Gapu iti daytoy, naburak ti ulo ni Cervantes a nangitunda ti pannakataya na.
Rumrumuar a nakainom ti nasanger ti driver idi mapasamak iti insidente.
Naamoan nga awan ti sinagaba a sugat ti driver ti traysikel ken nagtalapwagaw a dagus kalpasan ti desgrasya.
