LAOAG CITY – Inbatad ni Police Lt. Belen Baoit, chief of police ti PNP-Solsona a problema iti pamilya ti inisyal a makitkita da a rason ti panagpakamatay ti maysa a lalaki iti Barangay Mariquet iti nasao nga ili.
Segun kenni Baoit, ti biktima ket agtawen ti 30 ken tubo iti ili ti San Nicolas.
Inlawlawag na nga itay nasapa a bigat ket nakaawat da ti report babaen iti pagayam ti biktima nga adda ti insidente ti panagpakamatay.
Iti panagturong dagiti otoridad iti nakapasamakan ti insidente, nakita da a nakabitinen ti biktima iti puon ti kayo usar ti indayon.
Ummuna iti daytoy, kuna na nga iti panagdamdamag da ket kanayon nga ibaga ti biktima a broken family ken maipagarop a makumusta laeng isuna no adda ti kiddawen a tulong wenno kwarta ti pamilya na.
Naamoan a ti biktima ket makipagnanaed iti ili pagayam na iti ili ti Solsona.
