LAOAG CITY – Dead on arrival iti Black Nazarene Hospital iti ili ti San Nicolas ditoy probinsya iti Ilocos Norte ti maysa a lalaki kalpasan a nagbekkel iti uneg a mismo ti balay da.
Nabigbig ti biktima a ni Alexander Duldulao Jr., 43, awanan ti asawa ken residente iti Barangay 7 idiay ili ti San Nicolas.
Segun ken ni SPO1 Jennifer Tacla, chief investigator iti ili ti San Nicolas, nakigtot laengen ti ina ti biktima a ni Mrs. Cristina Duldula idi makita na a nakabitin ti anak na iti kusina da.
Naitaray iti Black Nazarene Hospital ti biktima ngem naideklara a dead on arrival.
Inlawlawag ni Tacla a basar iti imbestigasyon da, rumrumuar a dakkel ti problema ti biktima gapu kadagiti utang na.
Naamoan a naisalda ti biktima ti maysa a tricycle a saanna a kukua ken ti baro a motorsiklo na gapu ti pannakaigamer na ti sugat.
Mamati ti pamilya ni Alexander a daytoy ti makagapu a nagpakamatay ti nasao a biktima.
