LAOAG CITY – Maysa a lalaki manipud idiay Buckinghamshire, England ti nakaawat ti refund a £2 wenno sumurok P200 kalpasan a nakagatang isuna ti Mars chocolate bar nga awan ti signature ripple design-na.
Inbatad ni Harry Seager, nagatangna ti tsokolate kabayatan ti panagturongna iti car show.
Idi nariparna nga arig ket sobra ti kinalamuyotna ti nagatangna a Mars bar, dagusna nga in-post iti online ti ladawan daytoy iti Dull Men’s Club Facebook page nga isu metten ti napagsasaritaan iti online.
Inlawlawag ti Mars Wrigley UK, ti imperpeksiyion ket gapu iti panagbiddot ti factory gapu ta saan a naikkan ti angin ti tsokolate tapno mapartuat ti ripple effect.
