LAOAG CITY – Nangipila ti reklamo ni Department of Energy (DOE) Secretary Sharon Garin kontra ken ni Batangas Rep. Leandro Leviste, kas Chairman ken Presidente pakairamanan ti board members ti Solar Para Sa Bayan Corp. (SPSB) iti Department of Justice.
Inakusaran isuda ti pannakapaay a tungpalen ti obligasion iti 25-year franchise a mangipaay ti koriente kadagiti nasusulinek a lugar.
Basar iti Department of Energy, pito a tawenen ti napalabas sipud idi naikkan ti prangkisa idi 2019 ti kompania ngem maipagarup a saan a nausar wenno nagoperar a nasayaat a panaglabsing iti Republic Act No. 11357.
Rumrummuar a “knowingly and willfully neglected, failed, or omitted” ti kompania nga aramiden ti responsibilidadda basar iti reklamo nga inpila iti DOJ.
