LAOAG CITY – Inbatad ni Atty. Alexander Cabrera, maysa a financial forensic analyst a nagtestigo iti Senate impeachment trial ita nga aldaw, Oktubre 9, nga umabot iti P817.87 million ti unexplained wealth ken undeclared assets ti agasawa a ni Vice President Sara Duterte ken Manases “Mans” Carpio.
Iti maika-37 nga aldaw ti impeachment trial ti bise presidente, nangpresentar ti report ni Cabrera a mangipakpakita ti alleged financial irregulaties dagiti rekord ni Duterte ken Carpio.
Babaen ti corporate veil, naduktalan ti financial analyst dagiti saan a nadeklerar a cash, dadduma a personal ken real properties, income, income manipud dagiti kompania a Cale88 and Metro City, ken ti pakabuklan a saan a naideklerar nga income manipud Gencorp idi tawen 2022 agingga 2025.
Kabayatanna, pinasingkedanna nga awan double counting wenno duplication ti bilang ti insayangkatda a panangtingiting.
