LAOAG CITY – Naipresentar kas witness ti prosecution iti maika-30 nga aldaw ti impeachment trial ni Vice President Sara Duterte ni Police Major Joericson Sangalang manipud iti Philippine National Police Firearms and Explosives Office.
Inbatad ni Sangalang nga agtagikua ti Bise Presidente ti 22 a paltog, pakairamanan ti maysa a class-A light weapon nga adda kabaelanna a mangiruar ti burst of fire, kabayatan a ti asawana a ni Mans Carpio ket agtagikua ti 29 a paltog a pakairamanan ti maysa a class-A light firearm ken maysa nga expired a lisensia.
Segun iti panel ti prosekusion, usaren ti testimonia tapno mapaneknekan nga adda iggem ti agasawa a sumurok 50 a paltog nga aggatad ti saan a bumaba iti P7 million a masapul nga agsina kuma nga indeklerar kas personal nga tagikua iti Statement of Assets, Liabilities, and Net Worth-na (SALN).
Mainaig iti daytoy, kwinestionaran daytoy ti sumagmamano a senator-judge ti koneksion ti nadakamat nga ebidensia iti kaso ngem inpetteng ti prosekusion a napateg nga ideklerar ti tunggal rehistrado nga armas iti Statement of Assets, Liabilities, and Net Worth-na (SALN).
Kabayatanna, pinalubos ni Presiding Officer Chiz Escudero ti panagtuloy ti testimonia ngem inbilin ti prosecution a pabassiten ti proseso kalpasan nga inbaga a saan unay maitutop ti testigo iti unexplained wealth.
