Inreklamo ni Mrs. Robelia Liamas ti Presidente ti Senior Citizen Association iti Barangay 14, San Gabriel iti ili ti Bacarra a ni Miss Luz Guillermo gapu ti maipagarop a saanna a panangipasa ti dokumento a kasapulan para iti panagawat na ti benepisyo na.

Segun ken ni Liamas, nabayagen a naipasa da ti dokumento a kasapulan para iti panagawat na ti octogenarian cash gift nga aggatad ti 10,000 a pisos.

Kuna ni Liamas nga addan ti nasurok a maysa a tawen nga iyur-urayna ti cash gift na ngem agpapan kadagitoy ket awan pay ti naawatna.

Inbatad na a tunggal makita na ni Guillermo ket damagen na ti cash gift na ngem ti met kanayun nga isungbat na ket aganus da paylaeng nga aguray.

Pinadas met ti news team ti Bombo Radyo Laoag nga alaen ti sungbat ni Guillermo ngem nagkedked daytoy nga agsarita mainaig iti nasao nga isyu.