LAOAG CITY – Inpresentar ti House prosecution panel iti Senate impeachment court ti testimonia ni Anti-Money Laundering Council (AMCL) Executive Director Ronel Buenaventura tapno paneknekan ti maipagarup a P319 million manipud kadagiti kompania iti China nga inpatulod iti Cale88 Foods Corporation no sadino adda maipagarup 47.5% business interest ni Atty. Manases Carpio, asawa ni Vice President Sara Duterte.
Segun ken ni pricate prosecutor Atty. Mae Divinagracia, tallo kadagiti remittance ti nairekord ti bangko kas nakaskasdaaw dagpu iti kinawan ti legal wenno trade obligation ken nalawag a gagem pang-ekonomia.
Kuna pay ti prosekusion nga umabot P4.5 billion ti simrek ken rimuar iti 15 a korporasion a maipagarup nga adda interest da Duterte ken Carpio manipud 2022 agingga 2025.
Malaksid iti daytoy, inbatad ti prosekusion a P4.4 billion ti pakabuklan a covered ken suspicious transactions a direkta a karaman ti agasawa manipud 2007 agingga 2025.
