Nakemmeg ti maysa a lalaki babaen ti anti-illegal drug buy bust operation babaen kadagiti kameng ti Philippine Drug Enforcement Unit ken PNP Batac iti Brgy. Quiling Sur iti nasao a ciudad.
Nabigbig ti suspek a ni Howell Valdez, 38 ken residente iti Brgy. Ben-agan iti nasao a ciudad.
Kinemmeg a dagus dagiti otoridad ti suspek kalpasan a naglako ti maysa a sachet a naglaon ti maipagarop a shabu nga agbalor ti sangaribo a pisos.
Malaksid iti daytoy, nakumpiskar pay dagiti otoridad ti maysa pay a sachet ti maigarup a shabu, maysa a wallet a naglaon ti kwarta ken 2 a cellphone.
Kabayatanna, inpetteng ni Valdez a saan na a kukua dagiti naala a dua a sachet ti maipagarup a shabu.
Segun kenni P.Capt. Michael Agoncillo, OIC Chief of Police ti PNP Batac, nabayagen a monmonitoren da ni Valdez.
Naamoan a nabayag pay nga adda iti drug watchlist iti suspek nupay saan daytoy a drug surrenderee.
