LAOAG CITY – Nasugatan ti maysa a lalaki kalpasan a nabagkong iti Barangay 18, San Isidro iti ili ti Sarrat.
Nabigbig ti biktima a ni Alfredo Magana y Rumbaoa, aka “Baldo”, agtawen ti 32, awanan ti asawa, maysa nga embalsamador idinto a ti suspek ket ni Roger Rasay y Ganal, agtawen ti 48, laborer ken agpada a residente iti nasao a lugar.
Segun kenni Police Captain Carlo Abing, ti chief of police ti PNP-Sarrat, iti napalabas nga aldaw ket maipagarop nga inbatad ti biktima a papatayen na ti suspek.
Inbatad na a kalpasan daytoy ket nagkita ti suspek ken biktima iti pagtaengan ti agnagan ti Constante Rasay ken kellaat lattan ti suspek ti nasao a biktima.
Gapo iti daytoy, nasugatan ti barukong ti biktima ken agdama nga agpapalaing iti Gov. Roque Ablan Senior Memorial Hospital ditoy ciudad ti Laoag idinto a ti suspek ket natiliw iti paset ti Barangay 17, San Felipe iti nasao met laeng nga ili.
