LAOAG CITY – Dagus a naitaray iti ospital ti maysa a lalaki kalpasan a naidungpar iti maysa a lugan iti Brgy. Buttong ditoy siudad ti Laoag.
Nabigbig ti nakalugan ti motorsiklo a ni Rodel Matias.
Iti nakalap nga impormasyon ti Bombo Radyo Laoag, nakalugan ni Matias ti motorsiklo nga addaan ti plaka 6711 UB nga agpadaya a direksyon idi ta naidungpar daytoy iti lugan nga inturong ni Artemio Caoagas residente ti nasao a barangay.
Segun kenni Tony Cabaluan, a taga Brgy. Balacad, nakita na ti motorsiklo a nataray sakbay a naidungpar idi agkurba a lugan.
Kuna met ni Mr. Caoagas, naklaat lattan idi naidungpar ti motorsiklo iti lugan na nga iserrek na kuman iti garahe ti balay da.
