LAOAG CITY – Nagsagaba ti sugat iti nagduduma a paset ti bagi ti maysa a lalaki kalpasan a nadesgraysa iti bypass road a paset ti Brgy. Bengcag ditoy siudad ti Laoag.
Binigbig ni Pol. Staff Sgt. Alecson Rosal, ti duty desk officer iti PNP Traffic Division ditoy siudad a ni Peter Andrei Borja, agtawen ti 25 ken residente iti Brgy. 3 iti ili ti Vintar.
Kuna na a basar iti naiyuswat nga imbestigasyon, agpabagatan ti biktima a nangiturong ti Yamaha sniper a motorsiklo ket ginandat na ti ag-overtake iti sinaruno na kotse.
Nu pay kasta, saan a nagballigi daytoy kalpasan a nakapalidlid ti bato ken napukawan ti control iti manibela.
Dagus a naitaray iti Governor Roque Ablan Senior Memorial Hospial ti biktima para iti naan-anay a pannakataming na.
