LAOAG City – Natagbat ti makinkatiigid a pispis ti agnagan ti Roger Magaoay y Pingil, agtawen ti 61 awanan ti asawa ken residente iti Bgy. 28 Cabusligan iti ili ti Bacarra.
Nabigbig met ti suspek a ni Rodel Camarao y Badua, agtawen ti 56 naasawaan ken residente met laeng iti nasao a barangay.
Basar iti imbestigasyon ti PNP-Bacarra, nanggiinum ti biktima ken ti suspek ken dagiti kakadua da iti pagtaengan ti suspek idi rabii.
Idi makain-inum dagitoy, ti biktima ket maipagarup a nagprobokar a no sadino a bayat ti panagprobokar ket uray la natungpa na ti asawa ti suspek ken ti ipag na.
Bayat ti panagprobokar ti biktima, ti suspek ket addan iti kuarto da ngem gapu iti nangngeg na a panagriri, rason a rimmuar ket nakibinnallaet, ngem ti bikitma ket maipagarup a nakapungtot.
Nupay kasta, nakaanawa ti agnagan ti Catalina Camarao ket naiyadayo na ti suspek iti pakapaspasamakan ti komosyon.
Nupay kasta, nasgubli ti suspek imet na ti buneng nga agatiddog iti 18 a pulgada ken tinagbat na ti biktima.
Naitaray met nga insigida ti biktima iti GRASMH tapno maagasan ti sinagaba na a dunor ken natiliw met nga insigida ti suspek.
Agtultuloy pay laeng ti imbestigasyon ti nasao a pasamak.
