Pimmusay ti maysa a lalaki kalpasan ti napasamak nga insidente iti Dingras-Banna road a paset ti Brgy. Root iti ili iti Dingras.
Basar iti imbestigasyon ti PNP Dingras, agpapaamianan a direksyon ti motorsiklo nga inturong ti agtawen ti 26 ken residente iti Brgy. Root idin ta kellaat a nadungpar na ti magmagna iti igid ti kalsada.
Gapu iti daytoy, naipurwak ti driver rason a nagsagaba ti nakana a sugat iti ulo na idinto a ti nadungpar na ket nagsaba ti gasgas iti nagduduma a paset ti bagi na.
Naitaray ti driver iti Dingras District Hospital ngem naideklarar a dead on arrival.
Iti agdama ket maur-uray pay laeng ti resulta ti post-mortem examination ti bangkay ti driver tapno maamoan ti rason ti pannakatay na.
Kabayatanna, rumrumuar nga adda iti impluwensiya ti nasanger ti driver ti motorsiklo.
