LAOAG CITY – Saanen a naiyabot pay a sibibiag iti Gov. Roque Ablan Sr. Memorial Hospital ti masya a lalaki kalpasan nga aksidente a nadungpar iti national highway paset ti Brgy Binsang, Pasuquin, Ilocos Norte.
Nabigbig ti biktima a ni Dante Agoo y De Leon agtawen ti 28 addaan ti ive-in partner, empleyado ti Batuyong Ricemill, ken residente ti Brgy #13 Naglicuan ti nasao nga ili.
Basar ti inbestigasyon ti PNP-Pasuquin, bumallasiw ti biktima iti nasao a kalsada aggapu iti laod idi lumabas ti suspek a nakalugan iti motorsiklo.
Nabigbig daytoy a ni Frances Naomi Lagasca y Coloma, agtawen ti 27, baro, awanan trabaho ken residente Brgy #12 San Nicolas, Ilocos Norte.
Rumrumuar a ginandat ti suspek a liklikan ti biktima ngem gapu iti maipagarup a kinapaspas na bayat nga agpapaabagatan a direskiyon rason a nadungpar na ti biktima.
Nagsagaba ti biktima ti dunor kadagiti nagduduma a paset ti bagi na nangnangruna iti ulo rason ti pimmusayan na, idinto a ti suspek ket adda met dagiti dunor ngem saan a napakaruar isu a nakarwar nga insigida iti hospital.
Iti agdama adda ti suspek iti kustodyar ti pulisya pangiyur-urayan ti maipila a reklamo kontra kenkuana.
