LAOAG CITY – Natay ti maysa a motorista kalpasan a nadesgrasya iti Banna-Pinili road a paset ti Brgy. Nagpatayan iti ili ti Banna.
Nabigbig ti biktima a ni Roderick Manglal-lan y Cepcon, agtawen ti 21, baro, addaan ti live-in partner, awan ti lisensya nga agmaneho, ken residente iti Brgy 8 Bomitog iti nasao nga ili.
Segun ti PNP, bayat ti panagbiahe ti biktima a nakalugan ti motorsiklo idi ta napukawan ti kontrol rason a naidungpar iti concrete barrier.
Gapu iti daytoy, nagsagaba ti biktima iti nakana a sugsugat kadagiti nagduduma a paset ti bagi na nangnagruna iti ulo na nga in-inot a nakatayan na iti mismo a nakapasamakan ti desgrasya babaen iti panangideklara ni Dr. Remedios Peralta Municipal Health Officer.
