LAOAG CITY – Natayen idi nabirukan ti maysa a lalaki kalpasan a nalmes iti irrigation canal iti Brgy 8-Margaay iti ili ti Vintar.
Nabigbig daytoy a ni Rodrigo Ramos, agtawen ti 54, naasawaan, ken residente iti nasao a lugar.
Segun kenni Police Chief Inspector Jayson Batuyong, hepe ti PNP-Vintar, basar ti imbestigasyon ken napan naki-inom ti biktima iti barkada na a nagkasangay.
Ti imbestigasyon dagiti otoridad ket nasobraan ti biktima ti naginom ken nagpilit nga iturong na ti bisikleta na iti laksid ti panagkalikagom dagiti kainnoman na nga itulod da daytoy.
Inlawlawag na nga idi adda iti kaadayo a 100 a metro a kaadayo iti balay na ket natennag iti nauneg ken adalem nga irrigation canal a nangitunda ti pannakalmes na.
Inbatad na a basar kenni Dra. Heidi Albano, Municipal Health Officer, natay ni Ramos itay 6:45 ti bigat gapo ti nasao na insidente.
Innayon na nga adda ti sugat ti muging ti biktima idi narekobre d daytoy.
