LAOAG CITY – Agtultuloy ti panagimbestigar dagiti kameng ti PNP Badoc nga idadauloan ni Police Chief Insp. Ryan Retotar ti napasamak a pammaltog a nakatayan ti maysa a lalaki idiay Brgy. Pagsanhan Sur iti nasao nga ili.
Nabigbig ti biktima a ni Joseph Taculog y Claor, agtawen ti 56, residente ti Brgy. Torre iti ili a Currimao.
Iti pannakiuman ti Bombo Radyo Laoag kenni PO3 Anvil Rafanan, napasamak ti pammalatog iti agarup alas 10:50 idi rabii iti asideg ti maysa a minatay ken naglast night daytoy.
Saan a masinunuo dagiti otoridad no anya ti motibo ti nakapapatayan ti biktima babaen ti panangpaltog ti saan a nabigbig a suspek.
Kuna ni Rafanan a mapapati a napan nakisugal ti biktima iti nasao minatayan.
Nupay kasta, insegida a pimmusay ti biktima gapu iti dua a tama ti bala iti ulo ken ken maysa iti tenged na.
Innayon ni Rafanan a nakaala da ti maysa nga kapsula ken buli ti mapapati a kalibre 45 a paltog.
