LAOAG CITY – Posible nga immagaw ti linya ti naglugan ti motorsiklo a ni Jay Sebastian, addan ti umno a tawen, naasawaan ken agnaed idiay Brgy. Cabaruan iti ili a Bacarra a rason iti nakidinungparan na iti nakalugan ti kotse a ni John Mariano agtawen ti 53, naasawaan, Manager ti PNB Pasuquin-Branch ken agnaed idiay Brgy. 4 iti ili ti Vintar.
Daytoy ti resulta ti pakpakauna nga imbestigasyon nga inyusuat ti PNP-Bacarra kalpasan a napasamak daytoy iti paset ti Brgy. Buyon, Bacarra.
Segun ken ni Police Sr. Insp. Gregorio Oriero, Deputy Chief of Police ti Bacarra, agpaamyanan a direksiyon ti biktima idinto a nagpaabagatan a direksiyon ti kotse idi mapasamak ti disgrasya.
Kuna na a gapu ti panagdinnungpar da, naboong ti sarming ti sango ti kotse ken mapapati nga awan ti helmet ti biktima.
Inbatad ni Oriero nagsagaba ti biktima ti sugat iti ulo na a posible a pimmusayan na.
Adda metten ti pakpakauna a saritaan iti nagbaetan dagiti maseknan iti posible a pannakaipadalan na ti amicable settlement.
