LAOAG CITY – Natiliw ti maysa a lalaki babaen ti naiwayat a search operation iti Brgy 16 San Jose iti ili a San Nicolas.
Ti suspek ket ni Jayser Fernando a residente ti nasao a lugar.
Segun kenni P/Sr. Insp. Joseph dela Cruz, hepe ti PNP San Nicolas, naala da ti maysa a kalibre 38 a paltog nga addaan ti innem a bala, uppat a bala ti kalibre 45 a paltog, maysa a bala ti kalibre 50 ken maysa a bala ti kalibre 38 a paltog.
Inlawlawag ni Dela Cruz a naladaw a naiyemplementar ti iggem da a search warrant gapu ta masansan nga awan ni Fernando iti balay da.
Maisagsaganan ti kaso a maipila kontra kenni Fernando iti panaglabsing ti RA 10591 wenno Comprehensive laws on Firearms and Ammunitions.
