LAOAG CITY – Inarestar dagiti kameng ti Pagudpud Municipal Police Station ken dagiti kameng ti CIDG Ilocos Norte ti agnagan ti RENATO GANNO JR y UDDON alyas “Burot”, agtawen ti 46, balo, laborer, ken residente ti Brgy. Saud, iti ili a Pagudpud.
Daytoy ket gapu ti kaso a sangsangwen na a murder.
Naarestar daytoy iti Sitio Dialao, Brgy. Caparispisan ti nasao nga ili babaen ti bileg ti warrant of areret nga inparuk-at ni Hon. Conrado R. Ragucos, Presiding Judge, RTC, Branch 19, Bangui, Ilocos Norte a napetsaan March 21, 2018.
Awan ti nairekumendar a pagpiyansa ti akusado para iti temporaryo a pannakawaywaya na.
Iti agdama adda iti temporaryo a kustodyar ti CIDG ti akusado para iti dokumentasyon kasanguanan a maisubli iti korte a naggapuan ti warrant of arrest.
Naamuan a ti akusado ket kaiserserbi na laeng ti probation na para iti kaso nga homecide nga immun-unan a sinango na.
